2018 жылдың тамыз айының 20-сы күні Ақсу ауданы әкімдігінің үлкен мәжіліс залында Ақсу аудандық мәслихатының кезекті 31 сессиясы өтті.

Сессияға аудан активі, аудандық мәслихаттың депутаттары, ауылдық округ әкімдері, бөлім басшылары және БАҚ өкілдері қатысты,
Ақсу ауданының әкімі Әділбек Егеубекұлы Далбағаев өзіне жүктелген функциялар мен міндеттердің орындалуы жөнінде және 2018 жылдың I жартыжылдығында атқарылған жұмыстар туралы аудандық мәслихат депутаттары алдында есеп берді.Есеп беру барысында
№ 2 Орталық сайлау округінің депутаты Баулыбаев Тарғын Досымұлы Ілияс Жансүгіровтың ескерткіші туралы және орталық паркты реконструкциялау туралы сауал қойса, № 8 Суықсай сайлау округінің депутаты Сексенбаева Раушан Қадырханқызы Суықсай-Арасан бағытындағы жолды жөндеу мәселелері туралы аудан әкіміне сауал қойды. Жарыссөзге аудандық мәслихат депутаты, «НұрОтан» партиясы аудандық филиалы төрағасының бірінші орынбасары Дәулетбекова Куляйхан Тұрсынбекқызы, Қаракөз ауылдық ардагерлер кеңесінің мүшесі Китапиянов Дүйсен және –«Арай» мемлекеттік-жекеменшік әріптестігімен салынған балабақшаның әдіскері Қалабаева Жания қатысып, аудан әкімінің есебіне қанағаттанарлық деген баға берді.